2026 жылғы 5 қазанда ФОС-25-17 және ФОС-25-19 топтарының студенттері Қазақстан Республикасының Ұлттық орталық музейіне танымдық экскурсия жасады. Экскурсияға «Әлеуметтік-гуманитарлық пәндер және цифрлық технологиялар» кафедрасының аға оқытушысы Утегалиева А. Ж. жетекшілік етті.
Экскурсия барысында студенттер еліміздің бай тарихы, мәдениеті мен салт-дәстүрлері туралы құнды мағлұматтар алып, музей қорындағы бірегей тарихи жәдігерлермен жақынырақ танысты.
Музейге бару оқу үдерісін толықтырып қана қоймай, студенттердің таным көкжиегін кеңейтіп, халқымыздың тарихи-мәдени мұрасын тереңірек түсінуге мүмкіндік берді. Сонымен қатар, ұлттық құндылықтарға деген құрмет пен туған ел тарихына деген қызығушылықты арттырды.
Осындай танымдық іс-шаралар білімді тәжірибемен ұштастырып, жас ұрпақтың тарихи санасын қалыптастыруға маңызды үлес қосады.
Тарихын таныған ұрпақ — болашағын нық қалыптастырады!
