Қырғызстанда өткен VI Дүниежүзілік көшпенділер ойындарында Қазақстан құрамасы көкпар және көк бөріден жоғары нәтиже көрсетіп, күміс жүлдеге ие болды.
Халықаралық додада ел намысын қорғаған спортшылар қатарында Қазақ спорт және туризм академиясының студенттері мен түлегі де бар. Атап айтқанда, FPSE 26-11 тобының студенті Дүйсен Мансұр, FPSE 25-11 тобының студенті Оңланбек Нұрислам, FPSE 24-9 тобының студенті Нұрсұлтан Ханкелді және Академияның 2026 жылғы түлегі Тоқтанай Айбар жарысқа қатысты.
Көкпардан Қазақстан құрамасы II орын иеленсе, көк бөріден де ұлттық құрама күміс жүлдеге қол жеткізді.
Жоғары нәтиже көрсетіп, ел намысын абыроймен қорғаған спортшылармен Мемлекет басшысы Қасым-Жомарт Кемелұлы Тоқаев кездесті. Президентпен кездесуге көк бөріден күміс жүлде иеленген Академия түлегі Тоқтанай Айбар да қатысты.
Академия студенттері мен түлектерінің осындай ауқымды халықаралық додада ел намысын қорғап, жоғары нәтиже көрсетуі – Қазақ спорт және туризм академиясы үшін үлкен мақтаныш.
VI Дүниежүзілік көшпенділер ойындарының күміс жүлдегерлерін шын жүректен құттықтаймыз! Ұлттық спорттың мәртебесі артып, көк байрағымыз әлемдік ареналарда биікте желбірей берсін!
