“Зияткерлік меншіктің кейбір аспектілері” тақырыбындағы Онлайн-вебинар

2024 жылғы 12 қарашада ҚР Әділет министрлігінің “ҰЗМИ” РМК (QAZPATENT) Қазақ спорт және туризм академиясында “Зияткерлік меншіктің кейбір аспектілері”тақырыбында онлайн-вебинар өткізілді. Аталған іс-шараға проректорлар, кафедра меңгерушілері, бөлім басшылары, Академияның ғылыми қызметкерлері мен оқытушылары қатысты.

Іс-шараны “НИИС” РМК IPR орталығының (зияткерлік меншік құқықтары орталығының) маманы Дүйсебаева Малика ашты.

Бекітілген вебинар бағдарламасына сәйкес “ҰЗМИ” РМК басшылары мен қызметкерлері келесі тақырыптарды ашты:

– Республикада авторлық құқықты тіркеу;

– Қазақстандағы өнертабыстар мен пайдалы модельдерді патенттеу;

– Зияткерлік меншік объектілерін коммерцияландыру;

– Зияткерлік меншікті қорғау.

Вебинардың мақсаты Қазақстан Республикасында авторлық құқықты тіркеу, өнертабыстар мен пайдалы модельдерді патенттеу, зияткерлік меншік объектілерін коммерцияландыру және қорғау мәселелерінде теориялық және практикалық тұрғыдан жекелеген проблемаларды ашу болды.