
2026 жылғы 20 қарашада Қазақ спорт және туризм академиясының Әлеуметтік-гуманитарлық пәндер және цифрлық технологиялар кафедрасының оқытушылары «Таза Қазақстан» республикалық бастамасы аясында ұйымдастырылған «Таза кампус» экологиялық акциясына қатысты.
Іс-шара барысында кафедра оқытушылары академия аумағында тазалық жұмыстарын жүргізіп, қоршаған ортаны абаттандыруға және кампустың таза әрі көрікті болуына өз үлестерін қосты.
Акцияның мақсаты – экологиялық мәдениетті қалыптастыру, қоршаған ортаға ұқыпты қарауға шақыру және ортақ кеңістіктің тазалығына деген жауапкершілікті арттыру. Осындай іс-шаралар ұжымдық бірлікті нығайтып, білім алушыларға үлгі болады.
Таза кампус – әрқайсымыздан басталады!










