Ғылыми зерттеу-жұмысы

Кафедрада футболдағы ең жоғары жетістіктерге ғылыми-әдістемелік қолдау жасау және дамыту теориясы, әдістемесі бойынша зерттеу жұмыстары белсенді жүргізілуде. Кафедраның профессорлық-оқытушылық құрамы жыл сайын біліктілікті арттыру курсын ұйымдастырады және қатысады. Зерттеу нәтижелері студенттер мен магистранттардың қатысуымен практикалық, әдістемелік және семинар сабақтарында оқу материалдарын, дәрістер курстарын, семинарларды, тестілік және емтихандық сұрақтарды жақсарту үшін қолданылады.

Футбол департаментінің ғылыми-зерттеу жұмысының нәтижелерін ұлттық құрамаларға жаттықтырушылар енгізеді; мектептерде оқу-әдістемелік жұмыс жүргізу кезінде.

Кафедра  «Қазақстан футболшылары арасындағы жылдамдыққа төзімділіктің өзектілігі» тақырыбында жұмыс істейді. Зерттеу жұмысының сипаты: теориялық және эксперименттік зерттеулер, практикалық тәжірибені қорыту, есеп құрастыру, оқу процесінде қолдану. Жұмыстың тәртібі: эксперименттік және бақылау топтарын құру; педагогикалық эксперименттер жүргізу; теориялық және практикалық тестілеу; қатысушылардың морфологиялық және функционалдық көрсеткіштерін зерттеу; ғылыми мәліметтер өңдеу және зерттеу тақырыбы бойынша ғылыми мақалалар жазу.

Кафедра оқытушыларының жетекшілігімен студенттер ҚазАСТ ғылыми-практикалық конференцияларына, республикалық және халықаралық ғылыми жарыстарға қатысады.