Қазақ спорт және туризм академиясының студенті Әлижан Аблағатов XX Азия ойындарында ушу-саньдадан 70 келіге дейінгі салмақ дәрежесінде қола жүлдеге ие болды.
Жартылай финалда Әлижан ирандық Эрфан Мохаррами Пирагомен кездесіп, тартысты жекпе-жек қарсыласының пайдасына аяқталды. Нәтижесінде отандасымыз Азия ойындарының қола жүлдегері атанып, Қазақстан қоржынына ушудан осы ойындардағы алғашқы медальді салды.
Бұл жетістік – табандылықтың, тынымсыз еңбектің және жеңіске деген жігердің нәтижесі.
Академиямыздың мақтанышы Әлижан Аблағатовты айтулы жетістігімен шын жүректен құттықтаймыз! Алдағы жарыстарда толағай табыстар, жаңа жеңістер мен биік белестер тілейміз!
