2026 жылғы 21 сәуірде Қазақ спорт және туризм академиясында Қазақстандағы мүмкіндігі шектеулі адамдарға қызмет көрсету бойынша практикалық құзыреттерді қалыптастыруға арналған «Қазақстанда мүмкіндігі шектеулі адамдарға қызмет көрсету бойынша тәжірибелік құзыреттерді қалыптастыру» атты халықаралық жобаның 2-күні өтті. Жоба Польша-Америка Еркіндік Қорының қаражаты есебінен, «Білім беру демократия үшін» қоры жүзеге асыратын RITA бағдарламасы – «Өңірдегі өзгерістер» аясында бірлесіп қаржыландырылған.
Іс-шараның бұл күні «Ерекше қажеттіліктері бар адамдар» тақырыбындағы дәрістің екінші бөлігінен басталды. Дәрісті Польша елінен келген маман Михал Сломински (Michał Słomiński) өткізді.
Түскі үзілістен кейін қатысушылар «Көзі нашар көретін адамдарға таяқпен қозғалу және сүйемелдеу (ассистенттік техника, қауіпсіздік, коммуникация)» тақырыбындағы тәжірибелік сабаққа қатысты.
Қатысушылар көру қабілеті нашар адамдардың күнделікті өмірде кездесетін мәселелері туралы түсінік алып, таяқпен қозғалу техникасын және оларды сүйемелдеу әдістерін үйренді.
