2026 жылдың 6 сәуірінде Қазақ спорт және туризм академиясында шетелдік рецензияланатын журналдарда ғылыми мақалалар жариялау мәселелеріне арналған семинар өтті.
Спикер ретінде Springer Nature халықаралық академиялық баспасының Licensing manager Ирина Александрова сөз сөйледі. Кездесу барысында ол ғылыми жарияланымдарға қойылатын талаптар, журналды таңдау ерекшеліктері туралы егжей-тегжейлі айтып берді, сондай-ақ мақалаларды дайындау кезінде авторлардан туындайтын өзекті сұрақтарға жауап берді.
Семинарға ҚазСТА оқытушылары, ғалымдары мен докторанттары қатысты. Іс-шара белсенді және мүдделі атмосферада өтті: қатысушылар жариялау қызметінің практикалық аспектілерін талқылады, тәжірибелерімен бөлісті және Springer Nature портфолиосына кіретін журналдармен өзара іс-қимыл бойынша құнды ұсыныстар алды.
Кездесу соңында ғылым, халықаралық байланыстар және жоғары оқу орнынан кейінгі білім жөніндегі проректор Кенжебекова Гүлсин Уәлиқызы спикерге мазмұнды сөз сөйлегені үшін алғыс айтып, академиядан естелік кәдесый табыс етті.
Осындай іс-шараларды өткізу Академия оқытушылары мен жас зерттеушілерінің жарияланымдық белсенділігін арттыруға және ғылыми әлеуетін дамытуға ықпал етеді.
