Ақтау қаласында өткен дзюдодан ашық Азия кубогында Академия студенттері жүлделі орындарға ие болды

       Ақтау қаласында 3-4 қараша күндері «Маңғыстау-арена» спорт кешенінде ерлер мен әйелдер арасында дзюдодан Тұрар Жолдыбаевты еске алуға арналған ашық Азия кубогы өтті. Аталмыш турнир 2009 жылдан бері дәстүрлі түрде ұйымдастырылып келе жатыр. Биыл Азия дзюдо одағының күнтізбесіне сәйкес өткізіліп отырған турнирде Қазақстан, Тәжікстан, Өзбекстан, Грузия, Греция, Қырғызстан, Моңғолиядан жиналған 100-ден аса дзюдошы ең мықтыны анықтады.
Қазақстан құрамасы жарысты 7 алтын, 10 күміс, 13 қола медальмен жалпыкомандалық есепте 1 орынмен аяқтады. 4 алтын иеленген Греция құрамасы екінші орынға жайғасса, 1 алтын, 1 күміс медальмен Тәжікстан ұлттық құрамасы үздік үштікті қорытындылады. Аталған туринирге Академия атынан қатысқан Күрес кафедрасының студенттері мен магистранттары жүлделі орындарға ие болды. Олар:

          I – орын                                                                            III – орын

Райфова З             78 кг    препод.                                Қарасайқызы К    57 кг   4 курс

Берликаш К        +78 кг 3 курс                                        Тұрдан А              63 кг   3 курс,

II-орын                                                                          Салыкова А          70кг    2 курс

Щербакова А      70 кг    магистрант

Айта кетерлігі, Тұрар Жолдыбаевты еске алуға арналған ашық Азия кубогы лицензиялық турнир болып табылады. Турнирдің жеңімпаздары мен жүлдегерлеріне рейтингтік ұпайлар беріледі. Мәселен, бірінші орын иегері 100 ұпайға ие болса, екінші орын алған дзюдошы 60 ұпай, үшінші орыннан көрінген спортшыға әлем рейтингінде 40 ұпайдан қосылады.