30 қазан күні Қазақ спорт және туризм академиясында «Әділетті қоғам құр» жобасы аясында Қазақстан Республикасының Президенті Қасым-Жомарт Тоқаевтың «Әділетті қоғамға – шыншыл сөз» атты кітабы таныстырылды.
Алматы қаласының жоғары оқу орындарында жүзеге асырылып жатқан жоба жастар арасында әділеттілік, адалдық, азаматтық жауапкершілік және құқықтық мәдениет құндылықтарын кеңінен насихаттауға бағытталған.
Іс-шара барысында кітапта көтерілген маңызды қоғамдық мәселелерге назар аударылып, әділетті қоғам қалыптастырудағы әрбір азаматтың жауапкершілігі мен жастардың рөліне мән берілді.
Мұндай кездесулер студенттердің қоғамдық санасын кеңейтіп, азаматтық ұстанымын нығайтуға және ел болашағына жауапкершілікпен қарауына ықпал етеді.
