ХАЛЫҚАРАЛЫҚ ЫНТЫМАҚТАСТЫҚ: ВАСИЛ ЛЕВСКИ АТЫНДАҒЫ ҰЛТТЫҚ СПОРТ АКАДЕМИЯСЫНЫҢ (БОЛГАРИЯ) ӨКІЛДЕРІМЕН ДӘРІСТЕР ЖӘНЕ ПРАКТИКАЛЫҚ САБАҚТАР
2026 жылғы 10–12 қараша аралығында Қазақ спорт және туризм академиясында Болгарияның София қаласындағы Васил Левски атындағы Ұлттық спорт академиясының оқытушыларының қатысуымен дәрістер мен практикалық сабақтар өткізіледі.
Іс-шара аясында шақырылған мамандар спорттық гимнастика саласындағы кәсіби тәжірибелерімен, ғылыми және практикалық білімдерімен бөліседі.
Іс-шара спикерлері:
• Мария Гатева (Maria Gateva) — PhD докторы, қауымдастырылған профессор, Болгарияның спорттық гимнастика бойынша ұлттық құрамасының бұрынғы спортшысы;
• Николай Иванов (Nikolai Ivanov) — аға оқытушы, FIG ұйымының «Әлемдік деңгейдегі гимнаст» (2008) құрметті атағының иегері, 2009 жылғы ерлер арасындағы көпсайыстан Еуропа чемпионатының күміс жүлдегері.
Іс-шаралар бағдарламасы:
• 2026 жылғы 10–11 қараша, сағат 10:00–12:00 — дәріс сабақтары (№ 218 аудитория).
• 2026 жылғы 12 қараша, сағат 10:00–12:00 — практикалық сабақтар (гимнастика залы).
Аталған іс-шараларды өткізу халықаралық академиялық ынтымақтастықты дамытуға, ғылыми-педагогикалық тәжірибе алмасуға, сондай-ақ оқытушылардың, жаттықтырушылардың және білім алушылардың кәсіби құзыреттерін жетілдіруге бағытталған.
