2025 жылдың 03 – 15 қараша аралығында КеАҚ Қазақ спорт және туризм академиясы жоғары оқұ орындарының педагогтарына арналған «Жоғары білім берудегі инклюзивті білім беру: оқытушыларға арналған педагогикалық технологиялар және практикалық құралдар» атты 80 сағаттық, гибридті форматта, сертификаттарды табыстаумен біліктілікті арттыру курсы өткізілді. Курстың мақсаты – әрбір тыңдаушының мүмкіндіктерін барынша арттыруға бағытталған заманауи әдістер мен тәсілдерді біріктіруге баса назар аудара отырып, барлық білім алушылар үшін жоғары қолжетімді, дамытушы және жекелендірілген білім беру ортасы үшін қажетті кешенді педагогикалық құзыреттіліктерді дамыту болды.
Курсқа шақырылған дәріскерлер: І. Жансүгіров атындағы Жетісу университетінің п.ғ.д., зерттеуші – профессор Мовкебаева З.А., Қазақстандағы «Әлеуметтік инклюзивті бағдарламалар орталығы» қоғамдық қорының президенті Мурзалинова-Яковлева С.О., Алматы қаласының Қоғамдық кеңесінің мүшесі, қоғам қайраткері және қолжетімді орта жөніндегі сарапшы Джепка Б.И., Steam мектебінің негізін қалаушысы Ширимбаева Э.А., DaVinci коррекциялық орталығының негізін қалаушысы Б. Әлиев.
Онлайн дәрістер Webex платформасында өткізілді, ал практикалық офлайн сабақтар Академияның серіктес мектептерінде: STEAM Flagship school of IFIP және Insight school (Алматы) өткізілді.
Курсқа Қазақстан Республикасының жоғары оқу орындарынан, мектептерінен және колледждерінен 80-нен астам педагогтар қатысты, оның ішінде Қазақ спорт және туризм академиясы, AlmaU университеті, Ахмет Байтұрсынұлы атындағы Қостанай аймақтық университеті, Әлкей Марғұлан атындағы Павлодар педагогикалық университеті, Тірек-қимыл аппараты бұзылған балаларға арналған №2 мамандандырылған мектеп-интернаты, Республикалық спорт колледжі және басқалары.
Виртуальный помощник Казахской академии спорта и туризма