Волейболдан студенттер спорт лигасының жеңімпаздары Республикалық финалдық кезеңге жолдама алды.

ҚР Ғылым және жоғары білім министрлігінің бастамасымен өткен волейболдан студенттер спорт лигасы өз мәресіне жетті. Үш күнге созылған тартысты бәсеке қызықты сәттерге толы болды. Бағы мен бабы келіскен спортшылар үздік шықты. Ерлер арасында өткен сайыс бүгін аяқталды. Жарысқа қатысқан барлық студент-спортшылар оңай шағылар жаңғақ болмады. Дегенмен бәсекенің аты – бәсеке. Қарсылас шақ келтірмеген Қазақ спорт және туризм академиясының волейболшы жігіттері топ жарып, жарыс жеңімпазы атанды. Ал Қ.Сәтпаев атындағы Қазақ Ұлттық техникалық зерттеу университетінің намысын қорғаған студенттер екінші орыннан көрінді. Аталмыш оқу орынның спортшыларының кәсіби дайындықтарына жоғары баға беруге болады. Үздік үштікті Әл-Фараби атындағы Қазақ Ұлттық университетінің студент-спортшылары қорытындылады.

Ал қыздарымыз арасындағы волейбол додасы кеше аяқталды.

Жарыс барысында ерекше көзге түсіп, тамаша ойын көрсеткен волейболшы-студенттеріміз арнайы номинацияларымен марапатталды.

Қыздар арасында тартыста:

1. Толғанай Исмаил – «Үздік қорғаушы» – ҚазҰҚПУ

2. Жанат Әділбек – «Үздік тосқауыл қоюшы» – СДУ

3. Алуа Лесбек – «Үздік үйлестіруші» – ҚазҰПУ

4. Жібек Ахметқали – «Үздік шабуылшы» – ҚазҰМУ

5. Мадина Орынбек – «Үздік ойыншы» – ҚазСТА

Ал ерлер арасында :

1. Ислам Ахметов – «Үздік қорғаушы» – ҚазҰПУ

2. Ертас Нұрболат – «Үздік тосқауыл қоюшы» – ҚазҰУ

3. Ибрахим Мырзағалиев – «Үздік үйлестіруші» – ҚазБСҚА

4. Дмитрий Артемьев – «Үздік шабуылшы» – ҚазҰТЗУ

5. Алинұр Нұрлан – «Үздік ойыншы» – ҚазСТА

Студенттер спорт лигасының жеңімпаздары енді Түркістан қаласында өтетін Республикалық финалдық кезеңінде кездесіп, чемпиондыққа таласады.

Алматы қаласының оңтүстік-шығыс дивизионында орналасқан ЖОО қатысқан барлық волейболшы-студенттерімізге алғыс айтамыз.