Қазақ спорт және туризм академиясының «Дене мәдениеті және спорттың теориялық негіздері» кафедрасының қауымдастырылған профессор міндетін атқарушы, PhD докторы Есимгалиева Тлекши Махсотовна мен PhD докторы Балтина Алтынай Сапаровнаның ұйымдастыруымен 6 қазан 2026 жылы «Спорт маманының кәсіби болмысы: тәртіп, адалдық және жауапкершілік» тақырыбында дөңгелек үстелі өтті.
Дөңгелек үстелдің мақсаты – болашақ спорт мамандарының кәсіби этика, тәртіп, адалдық және жауапкершілік туралы түсінігін тереңдету, кәсіби жағдаяттарды талдау және өз пікірін дәлелдеп айту дағдыларын дамыту. Іс-шара барысында студенттерге еліміздің спортшылары, олардың жетістіктері және спортшы үшін маңызды қасиеттері, тәртіп, адалдық және жауапкершілік түсініктері бейнероликтер арқылы көрсетіліп, жан-жақты талданды.
Ең маңызды әрі қызықты кезеңдер кәсіби жағдаяттар, «Кәсіби маманның портреті» атты психологиялық тренингтер, топтық талқылаулар, викториналық сұрақтар болды. Сонымен қатар «Үш құндылық» деп аталатын талқылау бөлімінде қатысушылар өздерінде тәртіп, адалдық және жауапкершілік қасиеттерінің қаншалықты қалыптасып келе жатырғандарын талдады.
Іс-шара соңында жақында ғана Қазақ спорт және туризм академиясының студенттері Тлеулес Тамирлан алтын медальді және Төлеуғали Батырхан қола жүлдені иеленгендері аталып, спортшы маманының кәсіби қасиеттерінің маңыздылығы аталып өтті.
Бұл дөңгелек үстел спортшылар үшін кәсіби дамуға өз ықпалын тигізген негізгі қадам болды.
