2026 жылғы 20 сәуірінде Қазақ спорт және туризм академиясында «Қазақстандағы мүмкіндігі шектеулі адамдарға қызмет көрсету бойынша практикалық құзыреттерді қалыптастыруға арналған халықаралық жобаның ашылуы өтті. Жоба «Бостандық үшін Польша-Америка қорының» қаражаты есебінен RITA – «Өңірдегі өзгерістер» бағдарламасы шеңберінде бірлесіп қаржыландырылып, «Демократия үшін білім беру» қоры арқылы іске асырылуда.
Жоба қазақстандық жоғары оқу орындарының оқытушылары мен жас әлеуметтік қызметкерлерінің мүмкіндігі шектеулі адамдарға қызмет көрсету бойынша нақты практикалық дағдыларды меңгеруі негізінде поляк тәжірибесіне бағытталған оқыту әдістерін игеруіне бағытталған.
Жобаның ұйымдастырушылары: «Еуропалық спорт және құтқару орталығы» қауымдастығы (Быдгощ, Польша) және Қазақ спорт және туризм академиясы (Алматы, Қазақстан). Барлық қатысушылар үшін оқу тегін жүргізіледі. Жоба WSG University (Польша), Қазақстан Республикасының Польшадағы Елшілігі, Польша Республикасының Қазақстандағы Елшілігі, Қазақстан Республикасы Президенті жанындағы әлеуметтік осал санаттағы азаматтардың құқықтары жөніндегі уәкіл, Белсенді реабилитация қоры (Польша) және Куяв-Помор воеводствосының Олимпиадалық кеңесі (Польша) қолдауымен жүзеге асырылуда.
Ашылу рәсімінде құттықтау сөзін Қазақ спорт және туризм академиясының президенті Кайрат Кайруллинович Закирьянов, сондай-ақ WSG University (Польша) жобаның үйлестірушісі Александр Скалий сөйледі. Қатысушыларды сондай-ақ Қазақстан Республикасы Президенті жанындағы әлеуметтік осал санаттағы азаматтардың құқықтарын қорғау жөніндегі уәкіл, Қазақстан Республикасы Парламенті Мәжілісінің депутаты Сейтжан Кенжегyл Социалулы, Польша Республикасының Алматыдағы дипломатиялық өкілдігінің басшысы – Бас консул Дариуш Шевчык, Алматы қаласы Спорт басқармасының Спорт бөлімінің басшысы Мұқанов Мұхтар Мұхтарұлы құттықтады.
Бірінші күні қатысушылар «Ерекше қажеттіліктері бар адамдар» тақырыбындағы дәрісті тыңдап, одан кейін мүгедектер арбасымен жұмыс істеу бойынша тәжірибелік сабақтарға қатысты.
Екінші күні оқу теориялық бөліммен жалғасып, кейін көру қабілеті нашар адамдарға арналған таяқпен жүру техникасы мен көмек көрсету әдістері бойынша практикалық сабақ өткізілді. Сабақ барысында қауіпсіздік және алып жүру мәселелері қарастырылды.
Үшінші күн бейімделген жүзу мәселелеріне арналды: судағы жаттығулардың маңызы туралы дәрістен кейін ҚазСТА бассейнінде практикалық сабақ өтіп, қатысушылар кедергілерден өту тәсілдері мен Halliwick әдістемесінің негіздерін меңгерді.
Қорытынды күні поляк мамандары Еуропалық реанимация кеңесінің (European Resuscitation Council) ұсынымдарына сәйкес алғашқы дәрігерге дейінгі көмек көрсету бойынша дәріс өткізеді, сондай-ақ BLS, AED қолдану және зардап шегушіні қауіпсіз қалыпқа келтіру бойынша тәжірибелік сабақ ұйымдастырылды.
24 сәуірде жобаның салтанатты жабылу рәсімімен аяқталды. Рәсім барысында жобаның қорытындылары шығарылып, сертификаттар мен естелік сыйлықтар халықаралық «Қазақстанда мүмкіндігі шектеулі адамдарға қызмет көрсету бойынша тәжірибелік құзыреттерді қалыптастыру» жобасының қатысушыларына RITA (Region in Transition) – «Өңірдегі өзгерістер» бағдарламасы аясында табысталады.
