Конференция барысында ұйымның қызметі қорытындыланып, Алматы қалалық ардагерлер кеңесінің жаңа құрамы сайланды. Дауыс беру нәтижесінде жаңартылған құрамға Қазақ спорт және туризм академиясының президенті, профессор Қайрат Закирьянов енгізілді.
Сонымен қатар, іс-шара аясында ревизиялық комиссия мүшелері, сондай-ақ «Ардагерлер ұйымы» республикалық қоғамдық бірлестігінің Орталық кеңесінің XI съезіне делегаттар сайланды. Бұдан бөлек, Алматы қалалық ардагерлер кеңесінің пленумы өткізілді.
Конференцияда Алматы қалалық ардагерлер кеңесінің төрағасы Ахан Хусаинович Бижанов, ревизиялық комиссия төрағасы Виктор Ертасович Булекпаев, сондай-ақ мандаттық комиссия төрағасы Нұрқасым Молдасанұлы Тоқмолдаев баяндама жасады.
