Спорт және туризм академиясында буллинг пен харассмент тақырыбында кездесу өтті
Спорт және туризм академиясында «Буллинг және харассмент» тақырыбында маңызды кездесу өтті. Лекцияны «Qaituyu» қоғамдық бірлестігінің өкілі Омарбек С.Ж. жүргізді.
Кездесу барысында буллинг пен харассменттің негізгі түрлері, олардың салдары, сондай-ақ мұндай жағдайлардың алдын алу жолдары қарастырылды. Сонымен қатар, білім беру және спорт салаларында қауіпсіз әрі құрметке негізделген орта қалыптастырудың маңыздылығы айтылды.
Іс-шараға қатысқан оқытушылар тақырыпқа белсенді қызығушылық танытып, сұрақтар қойып, пікірлерімен бөлісті. Бұл кездесу Академияда салауатты және қолайлы ахуалды қалыптастыру жолындағы маңызды қадам болды.
