Ақиық ақын Мұқағали Мақатаевтың 92 жылдығына орай «Айтатын саған сырым бұл…» атты поэзия кеші өтті

Ақиық ақын Мұқағали Мақатаевтың 92 жылдығына орай «Айтатын саған сырым бұл…» атты поэзия кеші өтті. Студенттер мұзбалақ ақын Мұқағали Мақатаевтың өмірінен ерекше шығармашылық театралды қойылымдар әзірлеп, көрермен жүрегін тебірентті. Сахна төрінде өнерпаздар ән айтып, би билеп, күй шертті. Ақын 1931 жылы 9 ақпанда Алматы облысы Райымбек ауданында Қарасаз ауылында дүниеге келген еді. Ғасыр ақынының шығармашылығына деген қазақтың құрметі осы уақытқа дейін бір кеміген емес. Өмірін өлеңмен өрнектеген сөз шеберінің шығармашылығы қашан да жоғары деңгейде дәріптеліп келеді. Жаңа кітаптардың басылып жатқаны осыған куә.