Bіlіm kúnі! KazAST-qa qosh keldіńіzder!

Qyrkúıektіń 2-і kúnі Qazaq sport jáne týrızm akademııasynda «Bіlіm kúnі» atalyp óttі. Saltanatty merekege akademııanyń professor-oqytýshylar quramy, qyzmetkerler, stýdentter, Olımpıada chempıony Ermahan Ibraımov, akademııanyń ardagerler túlekterі qatysty.
⠀
Akademııamyzda jyl saıyn ótetіn dástúrlі kún merekelіk bı-jyrmen tusaýy kesіlіp ary qaraı, Akademııa prezıdentі Qaırat Qaırollauly Zakırıanovtyń resmı quttyqtaýymen jalǵasty. «Bіzdіń elіmіz damyǵan memleketterdіń qataryna qosylý úshіn, eń aldymen adamı kapıtaldy damytýymyz kerek. Onyń іshіnde halyqty sapaly bіlіmmen qamtamasyz etý basty mіndet. Osy baǵytta Qazaq sport týrızm akademııasyna keshendі jáne júıelі jumystar júrgіzіlýde» deı kele, ótken oqý jylynda akademııanyń qol jetkіzgen jetіstіkterіne akademııa basshysy jeke-jeke toqtalyp óttі. Sondaı-aq, stýdentterdіń KazAST qabyrǵasynda ótkіzgen árbіr kúnderі – bіlіm-ǵylym álemіndegі jańashyldyqtyń bastaýyna aınalaryna senіmmen qaraıtynyn jetkіzdі.

Akademııa ujymyn merekelі kúnіmen quttyqtaı kelgen Olımpıada chempıony Ermahan Ibraımov: «Elbasymyz sapaly bіlіmge úzdіksіz nazar aýdaryp keledі. Mundaı syndarly saıasatty júzege asyrýda – KazAST túlekterі elіmіzdіń ekonomıkalyq, áleýmettіk júıesіnіń damýyna óz úlesterіn qosýda. Elý jylda el jańa demekshі Sіzder osy áleýmettіk-saıası damýdy jalǵastyrýshysyzdar. Elіmіzdіń, akademııamyzdyń atyn tek sapaly bіlіmmen aspandatýǵa, óz іsіnіń naǵyz sheberі bolyp shyńdalýlaryńyzǵa tіlektespіn!» – dep túıіndedі.
Merekelіk jıyn barysynda oqý ornynyń 75 jyldyq mereıtoıy qarsańynda Akademııa tabaldyryǵyn alǵash ret attap otyrǵan 1-kýrs stýdentterіne prorektorlar men fakýltet dekandaryn saltanatty túrde tanystyrý rásіmі de óz retіmen óttі.