Академияда Желтоқсан және Д.А. Қонаев» тақырыбында ашық сабақ-дебат өткізілді

206

Қазақ спорт және туризм академия күніне арналған және тәуелсіздіктің 32 жылдығына орай әлеуметтік-гуманитарлық пәндер кафедрасының профессоры, т.ғ.д. Бақдәулет Тұрбекұлы Берлібаевтың ұйымдастыруымен бүгін «Қазақстан тарихы» сабағы шеңберінде FOS-22-7; 22-8; 22-9 топ студенттері арасында «Желтоқсан және Д.А. Қонаев» тақырыбында ашық сабақ-дебат өткізілді. Аталған іс-шараға профессор-оқытушылар және Желтоқсан оқиғасының ардагерлері қатысып, өз ой – пікірлерін ортаға салды.

Іс-шара қонақтары:

1. Қашқынбекова Бағдат Қалиқызы – патриот, ақын, журналист желтоқсан оқиғасының тікелей куәгері;

2. Нұғұманова Ғалия Нұрсалқанқызы 1986 жылғы желтоқсан оқиғасына қатысқан ардагер, патриот;

Іс-шара барысында Бағдат Қалиқызы «Мен Қазақпын!», «Рухы биік Қазақпыз» авторлық өлеңдерін оқып көпшіліктің құрметіне бөленсе, Ғалия Нұрсалқанқызы 1986 жылғы Алматыдағы қасіретті оқиғалардан студенттерді хабардар етіп, олардың бойларында патриоттық сезімін оятты.

Дебаттық танымдық ашық сабақтың соңында ауқымды да маңызды шарада қатысушылардың студенттермен естелік суретке түсу рәсімі өтті.