“ҰСТАЗ- МӘҢГІ НҰРДЫҢ ҚЫЗМЕТШІСІ!”

       Ұстаздар күні мерекесіне орай «Дене шынықтыру және спорттың теориялық негіздері» кафедрасы, 2018 жыл 5 қазан күні “Ұстаз- мәңгі нұрдың қызметшісі!” тақырыбында мерекелік  іс-шара өткізді. Студенттерді оқытушыны құрметтеуге, педагог  мамандығының қыры мен сырларын түсіндіруге, педагог еңбегін әрқашан бағалай білуге үйретуге бағытталған іс-шара Академия көлемінде концерттік бағдарлама түрінде өтті. Бағдарлама шеңберінде рөлдік ойындар, КСжЖЖФ 1 курс студенттерінің орындауында ән-күй, көріністік қойылымдар, гимнастикалық би, флешмоб орын алды. Оқытушы-профессорлар құрамына ойын түрінде жағдаяттық сұрақтар қойылып, мерекелік көңіл күйді толықтыра түсті. Кешті қорытындылау, құттықтау мақсатында Бірінші проректор М.З. Ескалиев сөз алып, барлық оқытушыларды төл мерекелерімен құттықтап, еңбектеріне шығармашылық табыс тіледі.