2025 жылы 7 наурызда Әлеуметтік Гуманитарлық пәндер кафедрасының ұйымдастыруымен Қазақстан Республикасы Ұлттық қауіпсіздік комитеті академиясының «Терроризмге қарсы дайындық» орталығына біліктілігін арттыруға келген Қазақстан Республикасы ақпараттық түсіндіру тобы мүшелері академия студенттерімен «Зайырлы мемлекеттегі дін мен қоғам» тақырыбында тренинг өткізді. Тренинг барысында жас ұрпақты жауапкершілікке, жанашырлыққа, бейбіт рухтағы адами қасиеттерге тәрбиелеу мақсатында қоғамда керағар пікір туғызатын дәстүрлі емес діни ағымдардың әрекетімен таныстырып, діни экстремизмге қарсы күрес жолдары туралы ақпарат берілді. Білім алушылармен белсенді сұхбат жүргізіліп, жат діни бағыттар төңірегінде пікір алмасты.
