2025-2027 ЖЫЛДАРҒА АРНАЛҒАН ҒЫЛЫМИ ЖӘНЕ (НЕМЕСЕ) ҒЫЛЫМИ-ТЕХНИКАЛЫҚ ЖОБАЛАР БОЙЫНША ЖАС ҒАЛЫМДАРДЫ ГРАНТТЫҚ ҚАРЖЫЛАНДЫРУ БОЙЫНША КОНКУРС ӨТЕТІНІ ТУРАЛЫ ХАБАРЛАНДЫРУ

Қазақстан Республикасы Ғылым және жоғары білім министрлігінің Ғылым комитеті (бұдан әрі-Ғылым комитеті) конкурстық құжаттамаға сәйкес ғылымды дамытудың келесідей басым бағыттары бойынша 2025-2027 жылдарға арналған ғылыми және (немесе) ғылыми-техникалық жобалар бойынша жас ғалымдарды гранттық қаржыландыру бойынша конкурс өтетіні туралы хабарлайды:

– Экология, қоршаған орта және табиғатты ұтымды пайдалану;

– Энергия, озық материалдар және транспорт;

– Озық өндіріс, цифрлық және ғарыштық технологиялар;

– Елдің зияткерлік әлеуеті;

– Өмір және денсаулық туралы ғылым;

– Агроөнеркәсіптік кешенді тұрақты дамыту;

– Ұлттық қауіпсіздік және қорғаныс, биологиялық қауіпсіздік.

Конкурстық құжаттама бойынша түсіндірме жұмыстары және өтінімді ресімдеу мәселелері бойынша 8 (7172) 74-24-55, 74-24-71; қаржы мәселелері бойынша 8 (7172) 74-16-53 телефондары бойынша хабарласуға болады.

Конкурстық өтінімдер ҚР ҒЖБМ Ғылым комитетіне ғылыми басшының және өтініш берушінің электрондық цифрлық қолтаңбасымен расталған электрондық түрде «ҰМҒТСО» АҚ ақпараттық жүйесі арқылы келесі сілтеме бойынша беріледі: https://is.ncste.kz

Өтінімдерді қабылдаудың басталуы – 2024 жылдың 07 қарашасынан бастап.

Өтінімдерді ұсынудың соңғы мерзімі – 2024 жылғы 06 желтоқсан (қоса алғанда).