“Қаржылық сауаттылық – қазіргі білім беру үдерісінің негізгі элементі ретінде” қонақ дәрісі

2024 жылғы 8 қазанда  Қазақ  спорт және  туризм академиясының  Әлеуметтік – гуманитарлық  пәндер  кафедрасы  “Қаржылық  сауаттылық –  қазіргі  білім беру үдерісінің негізгі элементі ретінде“  тақырыбында қонақ дәрісін ұйымдастырды  (жауаптылар  – з.ғ.к., қауымдастырылған профессор З. М. Самалдыкова және магистр, аға оқытушы Э.Т.Тебегенова). Шақырылған  дәріскерлер  –  экономика ғылымдарының кандидаты, қауымдастырылған профессор,  Әл-Фараби атындағы Қазақ  ұлттық  университетінің  “Қаржы және есеп” кафедрасының меңгерушісі  Керімбек Ғалымжан Есқараұлы және экономика ғылымдарының докторы,  Әл-Фараби атындағы Қазақ ұлттық университетінің  “Қаржы және есеп” кафедрасының  профессоры  Сигаев  Ербол Абдрахманұлы.

Кездесу барысында студенттер мен оқытушыларға қаржылық  сауаттылықтың  маңыздылығы және оның қазіргі білім беру үдерісіндегі  рөлі айтылды. Айтар болсақ,  студент жастар белсенді қатысып,  өздерін қызықтырған сұрақтарын қойып,  мамандардан толық жауаптар алды. Бұл іс-шара  студенттер мен оқытушылардың  қаржы саласындағы  білім деңгейіне үлкен  ықпал  етті.