Без рубрики
Қазақ спорт және туризм академиясында кезекті «Академия Кубогы» Жайдарман ойыны өтті
11 команда қатысқан көңілді тапқырлар кеші қызыққа толы болды. Алматының басқа да ЖОО студенттері академиямызға қонақ болып, әзіл кешінен мәз болып тарқасты. Айта кетейік, бұл ойында қазылар алқасынан көрінген @jaidarman_almaty директоры Оңдасын Құлымбетов академиямызда КВН мектебі жақсы қалыптасқан деп баға берді. ҚазСТА жастарынан құралған «Спорт және махаббат» командасы жеңімпаз атанды. Ал 2-орынды «Атузяки» деген атаумен өнер көрсеткен АТУ командасы иеленді. Сәтпаев университетінің «Атлант SU» командасы үздік үштікті қорытындылады.
Ойын нәтижесінде қыздар арасында«Қыздар-Ай» АУЭС командасының мүшесі “үздік ойыншы” атанса, ал ұлдар арасында “Үздік ойыншы” атағы «Атлант SU», Satbayev university командасының үздігі Жігерге бұйырды. Ал, «Үздік команда» «Созақбай» командасы атанды.
Жеңімпаздарымызды құттықтаймыз! Ал осындай қызыққа толы әзіл кештері жалғасын таба берсін дейміз!
