Артыков Марс Ишенбаевич

Артыков Марс Ишенбаевич

2013 жылдан бері «Қазақ спорт және туризм академиясы» ҰАО Вице-президенті қызметін атқарады.

1996 жылы Р. Байсейітов атындағы Семей қаржы-экономикалық колледжін «Кеден ісі» мамандығы бойынша тәмамдады. 2004 жылы Қазақ спорт және туризм академиясын «Спорт және туризмдегі экономика және менеджмент» мамандығы бойынша аяқтады. 2013 жылы И. Арабаев атындағы Қырғыз мемлекеттік университетінде «Мемлекеттік және муниципалдық басқару» мамандығы бойынша екінші жоғары білім алды. 2017 жылы Ресей Федерациясы Президенті жанындағы Ресей халық шаруашылығы және мемлекеттік қызмет академиясында MBA бағдарламасын аяқтап, кейін магистратураны тәмамдап, Магистр біліктілігін алды.

1996–2013 жылдары Қырғыз Республикасының Мемлекеттік кеден қызметінде еңбек етті. Қырғыз Республикасының Кеден қызметінің ІІ және ІІІ дәрежелі медальдарымен, Қырғыз Республикасының Қаржы министрлігі мен Мемлекеттік кеден комитетінің Құрмет грамоталарымен марапатталған. Кеден қызметінің майоры.

2013 жылы Италияның Трентино қаласында өткен қысқы Универсиада ойындарына қатысқаны үшін Дипломмен марапатталды.

2018 жылы Қазақстан Республикасы Білім және ғылым министрлігінің Құрмет грамотасымен марапатталды.

2024 жылы «Қазақстан Республикасының Құрметті спорт қайраткері» төсбелгісімен марапатталды.