Қазақ спорт және туризм академиясының өкілдері (Агелеуова А.Т., Кадырбекова Д.С., Дюсекеева Е.Т.) DIANA Erasmus+ (KA2 CBHE) жобасы аясында Португалияда өткен тренингке қатысты

2026 жылғы 29 маусым мен 3 шілде аралығында Португалияның Порту қаласындағы Portucalense университетінде ауылдық туризмді дамытуға, оқытудың инновациялық әдістемелеріне және ауылдық жерлердегі әйелдер кәсіпкерлігін қолдауға арналған Training of Trainers (ToT1) бағдарламасының алғашқы модулі өтті.

Бағдарлама аясында қатысушылар:

• ауылдық туризмді дамытудың заманауи еуропалық тәжірибесімен танысты;
• Project-Based Learning (жобалық оқыту) және Design Thinking әдіснамалары бойынша тақырыптық тренингтерге қатысты;
• Португалиядағы табысты ауылдық туризм нысандарына барып, кәсіпкерлікті дамытудың озық тәжірибелерімен танысты;
• DIANA жобасын іске асырудың келесі кезеңдерін халықаралық серіктестермен талқылады.

Аталған тренингке қатысу Қазақ спорт және туризм академиясы оқытушыларының кәсіби құзыреттілігін арттыруға, сондай-ақ еуропалық озық тәжірибені академияның білім беру үдерісіне енгізуге бағытталған жұмыстардың маңызды құрамдас бөлігі болып табылады.

DIANA жобасы – «Қазақстан мен Өзбекстанда ауылдық туризм саласындағы кәсіпкерлікті дамыту және енгізу арқылы әйелдердің мүмкіндіктерін кеңейту» – Еуропалық Одақтың Erasmus+ бағдарламасының қаржылық қолдауымен жүзеге асырылуда.