ERASMUS+ DIANA халықаралық жобасы аясында студенттермен ақпараттық кездесу өтті

2026 жылғы 4–6 мамыр аралығында Қазақ спорт және туризм академиясы зерттеу тобының мүшелері (Агелеуова А.Т., Кадырбекова Д.С., Дюсекеева Е.Т.), сондай-ақ «Туризм» білім беру бағдарламасының докторанттары ERASMUS+ DIANA — «Empowering Women through the Development and Implementation of Rural Tourism Entrepreneurship in Kazakhstan and Uzbekistan» жобасы аясында ұйымдастырылған халықаралық онлайн оқыту тренингіне — Training of Trainers (ToT 1) бағдарламасына қатысты.

Үш күн бойы бағдарлама қатысушылары ауылдық туризмді дамытудың заманауи үрдістерін, аумақтарды тұрақты дамыту тетіктерін, стейкхолдерлер арасындағы өзара іс-қимылды және әйелдер кәсіпкерлігін қолдау мәселелерін зерделеді. Сонымен қатар, заманауи білім беру тәсілдері мен оқыту әдістемелеріне ерекше назар аударылды.

Бағдарлама спикерлері қатарында Portucalense University, University of Lisbon, University of Aveiro, Hochschule Wismar университеттерінің халықаралық сарапшылары мен өкілдері болды. Жоба Еуропалық Одақ қолдауымен жүзеге асырылуда.

DIANA тренерлерді онлайн оқыту бағдарламасы:
ToT1 – Ауылдық туризм динамикасы және оқыту әдістемесі