«Орталық Азия өңірінің дәстүрлі спорт түрлері мен ойындары энциклопедиясы» халықаралық жобасы

«Орталық Азия өңірінің дәстүрлі спорт түрлері мен ойындары энциклопедиясы» халықаралық жобасы -Орталық Азия елдерінің дәстүрлі спорт түрлері мен халық ойындарын сақтау, зерттеу және кеңінен насихаттауға бағытталған халықаралық ғылыми-мәдени бастама болып табылады. Жоба аясында өңірдің бірегей материалдық емес мәдени мұрасын айқындайтын тарихи, этнографиялық және спорттық материалдарды жүйелеу жүзеге асырылады.
Энциклопедия зерттеушілер, оқытушылар, білім алушылар және дәстүрлі мәдениет пен ұлттық спорт түрлеріне қызығушылық танытатын барша қауым үшін маңызды ғылыми-анықтамалық басылым болуға бағытталған.
Жобаға қатысушылар
Жобаны іске асыруға келесі жоғары оқу орындары мен ұйымдар қатысады:
Қожа Ахмет Ясауи атындағы Халықаралық қазақ-түрік университеті, Қазақ спорт және туризм академиясы, Қырғыз-түрік «Манас» университеті, Хаджи Байрам Вели университеті (Анкара), сондай-ақ Халықаралық этноспорт одағы. Аталған ұйымдар халықаралық ынтымақтастық туралы келісім негізінде бірлесіп жұмыс атқарады.
Жоба аясындағы үйлестіруші рөлді Қожа Ахмет Ясауи атындағы Халықаралық қазақ-түрік университеті атқарады. Университет серіктес ұйымдардың ғылыми әлеуетін біріктіру, зерттеу қызметін үйлестіру және энциклопедиялық басылымды дайындау бойынша негізгі алаң ретінде қызмет етеді.
Жобаның белсенді қатысушысы – Ғ.Б. Копжанов, магистр, Қазақ спорт және туризм академиясының «Қазақ ұлттық спорт түрлері» кафедрасының аға оқытушысы, кафедра меңгерушісінің орынбасары.
Ғ.Б. Копжанов Қазақстан тарапынан жоба редакторы ретінде бекітілген. Ол жоба аясында ғылыми-зерттеу жұмыстарына, материалдарды дайындау мен жүйелеуге, академиялық ынтымақтастықты дамытуға және жоба нәтижелерін ілгерілетуге қатысады. Жобаның басталу мерзімі – 07.07.2025 ж., жүзеге асыру мерзімі — 24 ай.
Ғ.Б. Копжановтың жоба шеңберіндегі міндеттері қазақстандық ғалымдар мен ғылыми қызметкерлер арасынан авторлар құрамын қалыптастыру және бекіту, қазақстандық мақалаларды жинау мен жүйелеу, оларды жоба аясында ұсыну және дерекқорға жүктеу, түрік тарапы ұйымдастыратын онлайн-кеңестерге қатысу, сондай-ақ есептерді ұсыну болып табылады.