2026 жылғы 25–26 қыркүйекте Қазақ спорт және туризм академиясында Ресей ғалымы және спорт қайраткері, Ресей Федерациясының ғылым саласындағы еңбек сіңірген қайраткері, ҚазСТА-ның құрметті профессоры, педагогика ғылымдарының докторы, профессор Сергей Германұлы Сейрановтың «Менеджмент теориясы мен практикасының негіздері» және «Әртүрлі әлеуметтік-экономикалық формациялардағы дене мәдениеті мен спортты дамытудың экономикалық аспектілері» тақырыптарында дәрістері өтті.
Аталған дәрістер барысында спорт саласындағы менеджмент мәселелеріне шолу түріндегі талдау жасалып, дене мәдениеті мен спорттағы экономикалық қатынастарға қатысты жинақталған мәліметтер ұсынылды.
Дәрістерге ҚазСТА профессор-оқытушылар құрамы мен білім алушылары қатысты. Қатысушылар менеджменттің теориясы мен практикасы бойынша құнды ақпарат алып, қоғам мен экономикалық қатынастардың өзгеруі жағдайындағы дене мәдениеті мен спорт экономикасының тарихи дамуына шолу жасалды.
Іс-шара іскерлік жағдайда өтті. Академияның профессор-оқытушылар құрамы мен студенттері дәрістерге белсенді қатысып, тақырыптар бойынша пікір алмасты.
Дәрістер аяқталғаннан кейін профессор-оқытушылар құрамы мен білім алушыларға өзекті тақырыптар бойынша ашық дәрістер өткізгені үшін алғыс білдіру мақсатында Қазақ спорт және туризм академиясының басшылығы Сейранов С.Г.-ға ризашылығын білдірді.
