Бүгін Спорт және туризм академиясында “Менингококк инфекциясы: алдын алу, белгілері және әрекет ету шаралары” тақырыбында дәріс өтті. Дәрісті жалпы практика дәрігері Түкеев А.Х. жүргізді.
Дәріс барысында Түкеев А.Х. менингококк инфекциясының ерекшеліктері туралы жан-жақты ақпарат берді. Бұл – ауа-тамшы жолымен таралатын жедел жұқпалы ауру. Студенттерге инфекцияның таралу жолдары, жұғу қаупі, маусымдылығы, түрлі жастағы адамдардағы клиникалық белгілері, сондай-ақ ерте анықтау мен алдын алудың маңыздылығы түсіндірілді.
Дәрісте аурудың таралу статистикасы, тасымалдаушылардың рөлі және ауру ошағы анықталған жағдайда қолданылатын шаралар: карантин енгізу, бактериялық тексеру жүргізу, 1 жасқа дейінгі балаларға иммуноглобулин егу туралы кеңінен айтылды.
Студенттер дәріске белсенді қатысып, көптеген сұрақтар қойып, тақырып төңірегінде пікір алмасты. Осындай іс-шаралар болашақ мамандардың қоғамдық денсаулық пен жұқпалы аурулардың алдын алу мәселелеріне саналы көзқарасын қалыптастыруға ықпал етеді
