КазАст – та туберкулез туралы лекция өтті
Қазақ спорт және туризм академиясында туберкулездің алдын алу және оның қауіптілігі туралы ақпараттық лекция өтті. Шара барысында мамандар аурудың таралу жолдары, алғашқы белгілері, алдын алу шаралары және дұрыс емделу жолдары туралы баяндады.
Лекцияның басты мақсаты – студенттердің денсаулық туралы білімін арттыру және оларды өз денсаулығына мұқият қарауға ынталандыру. Қатысушылар өздерін қызықтырған сұрақтарға жауап алып, туберкулездің алдын алу бойынша пайдалы кеңестер алды.
