«Қонақжай шебері – 2025» байқауы ҚазАСТ-та: инновациялар, креатив және кәсібилік! 
2025 жылдың 10 сәуірінде ҚазАСТ-тың туризм факультетінде III Халықаралық жас ғалымдар форумының аясында «Дене мәдениетін, спортты, туризмді, білім мен ғылымды дамытудың басым ғылыми-педагогикалық бағыттары» атты тақырыпта жоғары оқу орындары арасында «Қонақжай шебері» байқауы өтті.
Бұл ауқымды іс-шара Қазақстанның жоғары оқу орындары мен колледждерінің «Мейрамхана ісі және қонақ үй бизнесі» білім беру бағдарламасы бойынша оқитын студенттерін біріктіріп, қонақжайлылық индустриясына арналған шығармашылық, кәсіби шеберлік пен заманауи шешімдердің нағыз мерекесіне айналды.
Байқаудың ерекшелігі — стартап-жобалардың ұсынылуы. Олардың қатарында:
«Үңгір» атты тақырыптық мейрамхана тұжырымдамасы
Жасанды интеллект элементтері бар интеллектуалды мейрамхана
Кино-кафе
Mood-Food жобасы — мәзір мен атмосфера арқылы қонақтардың көңіл-күйін өзгертетін мейрамхана
Білім беру үрдісіне VR-технологияларды енгізу идеялары
Қонақжайлылық саласын роботтандыру мен цифрландыру шешімдері
Қатысушылардың жобаларын қонақжайлылық индустриясының сарапшыларынан құралған тәуелсіз қазылар алқасы бағалады — тәжірибелі мамандар, менеджерлер және кәсіпкерлер.
