2025 жылғы 5 наурызда Қазақ спорт және туризм академиясының туризм факультетінде «ДжетЭкспо» шетелде жұмысқа орналастыру агенттігі» ЖШС өкілдерімен кездесу өтті.
Іс-шара барысында студенттер мен оқытушылар шетелде жұмысқа орналасу мүмкіндіктері, туризм және қонақжайлылық саласындағы өзекті бос жұмыс орындары, сондай-ақ үміткерлерге қойылатын талаптар туралы құнды ақпарат алды. Компания өкілдері халықаралық алмасу бағдарламалары, жұмыс шарттары және мансаптық өсу перспективалары туралы егжей-тегжейлі айтып берді.
Кездесу студенттердің үлкен қызығушылығын тудырып, олар белсенді түрде сұрақтар қойып, шетелде жұмыс істеу мүмкіндіктерін талқылады. «ДжетЭкспо» өкілдері кәсіби дағдылардың, шет тілдерін меңгерудің және жаңа жұмыс ортасына бейімделу икемділігінің маңыздылығын атап өтті.
