Академияда «Сыбайлас жемқорлыққа қарсы сана мен сыбайлас жемқорлыққа қарсы мәдениетті қалыптастыру» тақырыбында дәріс өтті

Халықаралық сыбайлас жемқорлыққа қарсы күрес күні қарсаңында (2023 ж. 9 желтоқсан) Әлеуметтік-гуманитарлық пәндер кафедрасы ұйымдастыруымен (жауапты оқытушылар – з.ғ.к., доцент Самалдықова З.М. және магистр, аға оқытушы Тебегенова Э.Т.) «Құқықтық реттеу және сыбайлас жемқорлыққа қарсы заңнама» пәні аясында «Сыбайлас жемқорлыққа қарсы сана мен сыбайлас жемқорлыққа қарсы мәдениетті қалыптастыру» тақырыбында 2023 жылғы 22 қарашада Академия студенттері мен профессор-оқытушылар құрамы арасында қонақ дәрісі өткізілді. Қонақ дәрісін өткізуші Қазақстан Республикасы Сыбайлас жемқорлыққа қарсы іс-қимыл агенттігінің Алматы қаласы бойынша алдын ала бақылау басқармасының басшысы – Салимбаев Қанат Әсембайұлы.

Іс-шара барысында студенттер дәріскерге көптеген сұрақтар қойып, осы тақырыпқа байланысты қызығушылықтарын танытты.