Алаш Орда үкіметі мен Алаш партиясының құрылғанына 105 жыл толуына орай 29 сәуір күні Академияда «ҰЛТ МҮДДЕСІ ЖОЛЫНДА КҮРЕСКЕН ҰЛЫ ТҰЛҒАЛАР» деген тақырыпта тәрбие сағаты өтті.
Мақсаты: Азаттық пен Автономияны аңсаған, біртұтас қазақ мемлекетін құру жолында аянбай тер төккен Алаш арыстарын студенттерге таныстыру, насихаттау, олардың еңбегі мен өмірін үлгі ету, өз елін, жерін қорғайтын ұрпақ тәрбиелеу.
Тәрбие сағатты ұйымдастырған әлеуметтік-гуманитарлық пәндер кафедрасының аға оқытушысы, т.ғ.к. Калимаш Нұратдинқызы Жанғанатова және кітапхана ұжымы.
Нұргүл Салимгерейқызы Джумадилова басқаратын кітапхана ұжымының жетекші мамандары: Мейрамгалиева Жанна Касымжановна, Байбулова Ляззат Султанбековна, Рахимбекова Жанар Нургабыловналардың ұйымдастыруымен «Алаш Орда үкіметі мен Алаш партиясының құрылғанына 105 жыл» деген тақырыпта кітап көрмесі өтті.
Туризм Факультетінің 2 курс студенті Қалиасқарова Жанботаның әзірлеуімен «Алаш қайраткерлері» деген тақырыпта бейне материал түсіріліп, студенттердің назарына ұсынылды.
Тәрбие сағатына Олимпиадалық спорт факультетінің 2 курс студенттері: Керім Думан, Қайрат Нұртұлға, Жайықұлы Мирас, Жұматұлы Бесінбай, Қажымұрат Бейбіт және т.б. студенттер қатысты.
Алаш партиясының негізін қалаушыларының бірі Әлихан Бөкейханов жайлы «Ұлт мүддесі жолында» деген тақырыпта студенттердің ұйымдастыруымен көрініс қойылды. Көрермен арасында «Тұлғанытаны» шығармашылық тапсырма өткізілді. Міржақып Дулатұлының «Оян, Қазақ!», Мағжан Жұмабаевтың «Мен жастарға сенемін», Сұлтанмахмұт Торайғыровтың «Алаштың Әлиханы» өлеңдері оқылды.
Тарихи іс-шараның құрметті қонақтарыҚазСТА оқу-әдістемелік бөлімнің төрайымы Тулеугалиева Сауле Серікқызы, Дене шынықтыру және спорт теориясы мен методикасы кафедрасының аға оқытушысы Бримкулова Асем Дулатовна және әлеуметтік-гуманитарлық пәндер кафедрасының аға оқытушысы, т.ғ.к. Булгауов Шотбек Тұрсынбекұлы студенттердің өнері мен шығармашылығына риза болып, алғыстарын білдірді. Осындай тарихи іс-шараларды жиі-жиі өткізіп тұруға ұсыныс білдіріп, студент жастарға тәрбиелік маңызы зор екенін атап өтті.
