2022 жылдың 5 сәуірінде АҚ «Қаржы орталығының» маманы Серікқали Ақзира Серікқалиқызымен 2022 жылдың мемлекеттік білім беру гранты негізінде ауылдық квотаны қоса алғанда бітіруші түлектеріне арналған «Міндетті үшжылдық еңбек өтемі» тақырыбында онлайн ақпараттық-түсіндіру конференциясы өтті.
Конференцияда «Білім туралы» ҚР Заңының 47-бабының 17-тармағына, ҚР Үкіметінің 2012 жылғы 30 наурыздағы № 390 қаулысымен бекітілген Жас мамандарды жұмысқа жіберу қағидаларына сәйкес түсіндірме ақпарат айтылған соң, «Қаржы орталығына» қандай негізгі құжаттар өткізу керектігі туралы ескертілді.
Ақзира Серікқалиқызы түлектердің актуалды:
- Еңбек өтемі қай мекемелерде жұмыс атқарса қабылданатыны;
- Қай санаттағы түлектер заңға сәйкес еңбек өтемінен босатылатыны;
- Еңбек өтемін жасамаған жағдайда қандай салдары болатыны;
- Еңбек өтемі қалай есептелетіні және т.б. сұрақтарына жауап берді;
Ақпараттық-түсіндіру конференциясы өту нәтижесінде түлектер толық ақпаратпен қамтамасыз етілді.
