24 ақпан әлеуметтік-гуманитарлық пәндер кафедрасының ұйымдастыруымен «Сыбайлас жемқорлыққа қарсы мәдениет пен сананы қалыптастыру» тақырыбында дөңгелек үстел өтті. Іс-шараның мақсаты қоғамның әртүрлі орталарындағы сыбайлас жемқорлықтың алдын-алу, профилактикалық жұмыстарды насихаттау, сыбайлас жемқорлыққа қарсы күрес туралы заңдарды негізге ала отырып, құқықтық мағлұмат беру, еркін сөйлеп, пікір алмасып, ойымызды бүкпесіз жеткізу.
Кіріспе сөзді қонағымыз, Қазақстан Республикасы Сыбайлас жемқорлыққа қарсы іс-қимыл агенттігінің Алматы қаласы бойынша алдын ала бақылау департаментінің басшысы Салимбаев Қанат Әсембайұлы бастады. Өз сөзінде «Қазақстан Республикасының 2022-2026 жылдарға арналған сыбайлас жемқорлыққа қарсы саясатының тұжырымдамасын» таныстырды.
Әрі қарай Әл-Фараби атындағы ҚазҰУ Халықаралық қатынастар факультетіндегі Халықаралық құқық кафедрасының доценті Самалдыков Максут Кошекович Қазақстан Республикасының сыбайлас жемқорлыққа қарсы саясат саласындағы заңнамасын реформалау қажеттілігін атап өтті.
Әлеуметтік-гуманитарлық пәндер кафедрасының аға оқытушысы, магистр Тебегенова Эльвира Темирхановна «Сыбайлас жемқорлыққа қарсы күрестің құқықтық принциптері», заң ғылымдарының кандидаты, Әлеуметтік-гуманитарлық пәндер кафедрасының доценті Самалдыкова Зауре Максутовна «Сыбайлас жемқорлық түсінігі және онымен күресудің заңнамалық негізі» атты баяндамаларымен бөлісті.
